Martin Camaj – Nji vjetë

Shkove në pranverë

kur kumbullat lulojnë mbi kodër

e shelgjet gjethen në lumë.

Mani n’oborr asht pjekë si tjera herë

e prroni nën shpi u tha,

xhingalla mbi plep ka britë e britë

e ti s’e ke ndie as pa.

Vjeshta kur erdh

e strehët e pullazit lëshuen

ujin n’oborr në kusi,

unë ndeja te dera tue mendue për ty.

Kur era nga bjeshka ia behi

e prroni nën shpi u tha,

dorën që në zjarm isha tue nxe

e prapova tue mendue ty

të ngrime nën dhe.

Similar Posts

Leave a Reply

Your email address will not be published.